Biceheme

Bes
Çirvîtkan di mejiyê min de bide...
Li têliyên bêriyê nexe
Muzîka mirinê
Zêmara kuştinê
Di guhê min de
Nenehwirîne
...
Te Dilê min ji min xist
Te ruhê min ji min xist
....
Pênûsa min ji destê xwe deyne
Di ximava xwîna evîna min de daneke
Pê helbestên têkçûnê nenivîse
...
Ne xem e!
Çi dikî bike
Lê zû bike
û bes tevzînokên bêwatetiyê
Bi laşê min xîne
û biceheme

Carine

Û carine Mirov dixwaze hemû caran di vê carê de bifetisîne ... û carine Dixwaze hemû car ev car bin .. Vê carê ez ê we bifetisînim..

Bibexişîne

Bibexişîne

Ku ez di çavên te de werbûm

Di mijangên te de lukimîm

Û min hemû hestên xwe

Di çûna te de şkenand..

Bibexişîne..