Bêje

Bêje
di dilê xwe de welatekî çawa ji te re çêkim?
Bêje!
Di zeryaya çavên te de,
keshtiyên evîna xwe
bi aliyê kîjan roja te de biajom?
Bêje!
Ez şeveke çawa çêkim
bo xwe bi porên te binuxîminim?
Bêje!

Di bexçeyê riyê te de,
çi gulan biçînim?
Bêje kevoka min!
Bo te çi helbestê binivîsim?
Bi çi gotinan vemirînim agirê hestên xwe?
Bêje dilbera min!
Di rewanê xwe de
Daristaneke çawa vejînim
Bêje!
Çi bikim bo te?

Dilyar Amûdî