Dem

Di himêze demê de
Dilorim
Bi xewnên mûzîkî
Li ser dengê tembûra hevalê hêja
Bi çipçipa dengê baranê û
Agirê gundên şewitî
Hewl didim razên
Di nav pêlên dîroka qetiyayî de
Li ser pişta hespên serxweş
Barekî birîndar im
Li xwe digerim
Di hundirê şûşeya bîrayê de
Di hundirê şewqa ku ji tariya şevê der tê
Xwe dibînim
Dixwazim pênûsê bihelînim
Bi gotinê dilê xwe
Biherifînim çiyayan bi evîna xwe
Digerim wek pêşmergeyekî
Li ser çiyayên biyaniyê
Li şerê azadiya xwe
Çi dijwar e
Ev şerê bênav
Serxweş im
Bi evîneke derewîn
Dixwazim hilweşînim dîwarên
Tirsa zarotiyê
Bar bikim
Ji welatê xwe
bo welatê xwe
Welatekî ku ez ava bikim
Ez lê bijîm
wek xwe
Bi muzîka ku ez dixwazim
Bi dengbêj û stanbêjê ez dixwazim
Li kêleka deryaya ez dibijêrim
Û li ser çiyayê ez dibêjim
Azadiyê di nava xwe de vejînim
Wek ku zarokekî
Di malzaroka demê de biçînim
Bi dawî muzîkê re
Bi dawî bibe
Jiyana min

Dilyar Amûdî