.........

çima tu tenê ?

ji pêvî jinên cîhanê gişa

endeziyariya jiyana min diguherî

û ahenga rojê min

û pêxwas ,bi dizî derbasî

cîhana karê min ê biçûk dibî

û tu derî li dû xwe digirî

û ez nabêjim NA

( ji helbesteke erebî )

Girî

ez li vê biyaniyê
bêriya xwe dikim
bêriya giyana xwe dikim
dixwazim kûr kûr bigrîm
niqlîkan bidim
û ez wekî zaroktiya xwe bigrîm
û bigrîm
wekî xwe
ez bêriya te jî dikim
erê tu
ez
ez bêriya xwe dikim

Martin Eden

Em exlaqê di xwezayê de red nakin,em gerdûniya( cîhaniya)exlaqan red dikin û gava em zagonekê exlaqî red dikin yan jî dipejirînin em lê dinerin bê jiyanê li pêş dixe yan jî astengiyekê li pêşiya jiyanê çêdike "

Derew

çend gotinê xweş
hinek çanda ji devekî difire devekî
sê çar peyvên felsefî
hinekî îdioljîk
hindirê xwe bi perdeyên reş binuximînin
û derva xwe bi rengan û bi kesekesoran bixemilînin
ha ez hindirê xwe pêş we bikim
hûn ê gelek gemar û qirêjê bibînin
lê  çima 

hûn

?

 çima newêrin li hundirê xwe binerin
çima hûn newêrin ew paçê bi

derewê we
bi ezîtiya we
bi zikreşî we
bi xwedîtina we
gemar bûye
ez ana bêjim
ez ana rastiyê we li riwê we bixim
hûn perda xwe bi nefretê jî gema bikin
ê bihêlin ez rastiya xwe ji xwe re bêjim
û destê xwe navêjin jiyana min
ji jiyana min derkevin

Privacy:

Awerte

Awerteyan nexin jiyana xwe yana wê jiyana we bi xwe bibe awerte

Beybûn

Beybûn!

Tê bîra te!


 Min ji te re digot



wî !




Deng naçe miriyan!



Çima te xwe kuşt



Min ji te hezkirbû



Te çima nefret xist dilê min




Dilyar Amûdî

Dan

min ji te hezkir

min tiştekî biçûk da te

ez ê êdî dilê xwe

hêviyê xwe

xewnê xwe

canê xwe

ez ê xwe bi xwe bidim

ez ê jiyana xwe bidim evîna xwe

....

Dilyar Amûdê

Hova Xwînmij

Wek te ye!

tê ji xwe hez bikîi

 ji peran û zayendê.

Tê bêjî ez ji te hez dikim

heta ku tu valahiya xwe bi derewên xwe dagirî,

û tê biçî! 

Lê pêşî! 

Tê xweşî û vereşîna xwe bi min pêk bînî

Tê bang bikî:

Biqîrî: 

Erê, erê ,ez dixwazim,

te dixwazim di hundirê xwe de.

di hundirê odeya nepenî.

"Bidestûr derbas be",

tê bêjî.

Ez ji te hez dikim

erê erê

êşa te jî xweş e dilê min

û tê serê hespê zilamtiya min maç bikî

û tê biçî asta bilind ya hestên xwe yê dirrinde

tê dirrindeyiya xwe derxî meydanê

û tê xwîna min vexwî û

tê bi ken bêjî

ê bi dû de

te min tê re nekirî

û tê bi hestên xwe yên hovane  min bikujî

Dilyar 

biçe

wek te ye!
tê ji xwe hez bikî
ji peran û zayendiyê
tê bêje ez ji te hez dikim
heta ku tu valayî ya xwe bi derewên xwe dagirî
û tê biçî

Dilyar

Cejn

Cejn e...

 Wêne û ala hilawestine

Jiyana me dagirtine.

Ma gelo em dikarin bi cejnên xwe, şa bibin

Em dikarin dîlan xwe bi ala û wêneyan bikin.

ez koleyekî qels im

Rast e,
Qels im! 
Rast e,
Evîn koletî ye
Min koletî pejirandiye
Lewra, ez qels im 
Ez qels im 
Ji ber min hêvîyên xwe par vekirin
.....
Tu rast dibêjî
Min got qey 
Evîn rastiyek e 
Loma  ez qels im 
min bêriya derewkê kir
 ê ji xwe  ez qels im 
xwezî ez wek te bama
 bê dil bijyama
 xwezî min heznekira
 û ez qels neketbama 
lê ez çi bikim
 çavê min girê dan
 û min ji çiyakî avêtin 
avêtin .. newala evînê
 na .. newala derewan
 newala xeyalên xwînkir
 hêvîyên çilmisî
 jiyanên vemirî
 newala derew û windayiyê 
dilê min şikenandin 
 çavê min tirsandin
 ez kuştim 
ez kirim termek
 nîv canî 
ez wek tu dibêjî qels kirim 
erê erê ez qels im
Dilyar .. Qonya

xwefiroş

xwefiroş

xwefiroşa erzan....
hewldide xwe bi buhayî bifroşe min, lê nizane ku ez êdî rewrewkan
nakirim
 ez êdî bazirganiya perepersetan nakim 
na.. bazirganiya koleyên pereyan nakim
ey xwefiroşa erzan
Cotmeh 17, 2010 at 12:27 lê min 25.08.2011 an de nû kir

lorî lorî

dergûşa min bi hejîne dayê bêje lorî lorî berxê min lorî
lorî lorî berxê min...
bêje bira were xewka şêrîn
çîrokekê ji min re bêj 'hebû tine bû rahma xwedê li dê û bavê min û webû'
bêje bera xwedê rahma xwe li min bike dayê
û bêje 'çîroka min ji wer xweş ka dîfilek şebeş'
ez dîfilek şebeş bidim te ji dilê xwe
ji min re lorî lorî bêj dayê...
Ziya Bagi

min bilorîne

min bilorîne
heya mirinê
ji navbera şevê derkeve
serê min deyne ser çonga xwe
û min bi dengekî xemgîn bilorîne
êşên min bilorîne
bila binivin
ta ku ez çêja hişiyarê bihesim
dilê min di xew rake
ji bo mejiyê min şiyar bibe
(01:22 ,15.08.2011 ez û Ziya li stranaekê li ser lorînê guhdarî dikin )

bexçe

ma qey çend lib dil

divên 

jibo xaka zer şîn bibe

gelo rondik

têra mezinkirina darê nedikir 

heta ku xwîn rijandin

dirûşm û girî

li ser dîwarê tirsê

sînorê bêdengiyê

didirînin

di fikra we de

çewisandin

dermanê

Rojbûn

dem
roj
meh
sal
û çend hûrikên jiyanê
Û ez
xew
xwarin
dîsa xew
dîsa xwarin
û ez
valayî
bêsûd
reşbînî
û ez
çend keçik
hinek ken
hinek girî
gelek li xwe gerîn
hîn bêtir têkçûn
û ez
temenek windayî
rojbûnên li dû hev hatî
dîsa gelek têkçûn
û ez
salek nû
jiyanek nû
hêviyek nÛ
xewnek nû
hinek ez
û hinek ne ez
gelo ez ê bibim ez

çavên te

di çavên te de cîhan min
tevlihev dibe
firtone di mejiyê min da radbin
bi porê te
şeva min dest pê dike
û pê re bendwariya min
jibo hevdîtna bi kenê te re
kenê sînoran derbas dike
şahiyê dilê min li dar dixe
û şana riwê te
xala dawî di jiyana min de
nîşan dide

Dilyar Amûdê

mirov

gelo pêwndî û danûstendinên xwe em li gorî dilpakî û samimiyetê mirovan dikin an jî li gorî raman û hêmanên xwe dikin ?? heger li gorî samimiyetê be çi ye ew tiştê vê baweriyê dide me? û ma gelo ev nabe dualîtî ?

Êş

ez diêşim, dilê min dilerize , û reliz bi laşê min ve hildikişe heta xwe bera nava mejiyê min, û diguvêşe û wî zuha dike ji şadiyê û bes êş û kulan dihêle , ez jî nizanim bê êş ji ku tê lê heye ..

Evîn

Pirsek: hezkirin dayîn e  an jî  stendin e? 


Gelo! tu dikarî bidî min bêyî tu ji min bistînî!!


Heger tu karibî jî tu dê karibî ehmeqîyên min jî rakî?


Îro min di pirtûkekê xwend


 Li ser evîn û hezkirinê bû,


 Û ez gîham vê encamê: 


ne evîn û ne hezkirin êdî nemane

Dilyar Amûdê

Mirov

‎"di hindurê her mirovî de derewçînek, dizek, qûndak, kujerk,xweparêzek heye , ya girîng ew e ku di hindurê mirov de çiqas ew kesê rastgo,dirist,exlaqî,û fedakar hene " 

Nakokî

Nakokî û dijayetî rastiyeke wek gellek rastiyên di hiş û mejiyên mirov de, kêşe ne ew e ko mirov di nav nakokiyan de avjeniyê bike lê kêşe ko mirov hayê wî jê tune be ko di nav nakokiyan no dibe.

Biryar

Çîrokê wiha dest pê dike ;

Du laşên nuxumnadî

Di nav nivînên germ

Li odeya cemidî

Keç dipirse ;

Ez êdî ya te me?

Ta mirinê
Law dibersivîne:
Ez bi te re me
...

Dem derbas dibe,

Çêja pevşabûnê,

Tîna laşên tazî,

Hilkehileka şaddayînê,

Keftûlefta xebata hevdîtinê,

Winda dibin

Êdî herdû laşên nuxumandî

Ne nuxumandî ne

Bê sînor

Hemû sînoran derbas dikin

Şanên li ser çiyayên bilindtirîn

Tên dîtin

Û bayên seqemîn xwe bera nava nivînan didin
...

Hûrikên biçûk li ber çavan tên raxistin

Û law êdî bi meya sêvan mest nabe

Gulyazên sor diperçiqin

Keç li laşekî mezintir

Xurttir

Li mejiyekî firehtir digere
.....

Ew siwarê hespê sipî

Kal dibe

Xûz dibe

Û pirsa giring tê

Ka em ê çi bikin?
...

Ev pirsa ji navbera lêvan diherke

Bi xwe re keştiyên

Tenêtiyê

Dûrîtiyê

Tîne
...

Û keç bilez

Ji nav nivînan derdikeve

bi awayekî nuxumandî

ew zarên ku

bi agirê çêj û şehwtê şewtîne

vedişêre
..

ta ku ji nû ve

tev li derewên xwe bifroşe yekî din
...

( saet 13 :23 .11.08.2011  min ev nivîsî , bi rastî jî ez di evînnek xwe ya kevin de ramiyam û min nivîsî, têkiliyên din di nav nivînan de dest pê dikin , pêşabûn çiqasî dirêj bike bila bike dê xelas bibe û pê re her tişt jî xelas dibe, ji bo navê helbestê tu têkliya wî bi helbestê re tune hew ji ber ez ê biryareke mezin bidim lewra min kir)

Ezmûn

Bêje lê

Çima ez bêriya te dikim

Wek çawa ez bêriya rêkên zarotiya xwe dikim

Gelo tu ketiyî kîjan malzara mejiyê min

Ez li te digerim wek ez li xwe digerim

Ew roniya dilê min ya biçûk bûyî

Qey hîn bi te vê dikeve

Ez li te digerim wek zarokekî

Di listoka çavgirtînkê de

Çawa Li xweveşêrî digere

Bi dengê çi muzîka evînî

Guhê min li dengê te yê dûr û kûr

Guhdar dike

Laşê min wek

Laşê çivîkekî diperpite

Bi  cemeda nebûna te

Tiliyên min bi pênûs digire

Û pêyvên evînê dinvîse

Wek pêşabûna bi du sêvên sînga te

Peyv diherikin

Li ser kaxezê

Wek herkîna çemê şahiya min

Li ser bedena te

Dilê min bi keftûlefta

Nûhatekî dijene

Na diheje û dihejîne

Hemû dîmenên te yê tazî

Wek cara pêşî

 ........

Êdî tu nayî xewna min

Lê ez dizanim

Te xwe veşartiye

Di navbera qatên dilê min de

 .............

Bêje lê … bêje

Tu çi ji min

Rebenî dixwazî

Ne besî te bû

Sal , sersal, newroz û demsalê te birin

Qey têra te nakin ew birînên

Di hestên min de

 ............

Çima di tenêtiya min de

Tu rewrewkên xwe

Bi ser min de dişînî?

 .........

Reşekên te bi şev û rojan

Li hawîrdora pencereya nûjîna min e

 ...........

Ew çi rextê nediyar e

Ku te pê ez birîndarê xwe kirim

 .......

ev çima hûrikên te her û her

li ser textê nivîna min e

 .......

bihna te ji bayê ,

çêja lêvên te ji çixara,

êşşahiya te ji êşên

ez dikşînim tê.

Bêje çima

 .......

Min azad bike

Rizgar bike

Ji dîlîya evîna xwe

Û bihêle kevokên

Dilê min

Bi şadî

Ji xwe re

Li ferek ne wek te

Ey êşkencekera bê wijdan

 ( min ev helbest saat 01:31 . 07 tebaxê, 2011-08-07 de li ber muzîka Nîzamettîn arîç nivîst û di navbera xwendina ezmûnê de lewra min navê wê kir ezmûn)

Xaka êşê

ez li cihekî çêbûm xaka wê ya min bû lê xakek lal bû . welatek xwîna min ji ax û ava wê bû lê ne welatê min bû ez bi zimanekî peyvîm lê ez fêrî yekî biyanî bûm . paytexta wê xakê li derveyî sînorên jiyîna min bû . ez  çêbûm girêdayî bi hinek zagonên ku bi agir û tirsê hatine nivîsandin ez bûm karkirê wêjeyekê nediyar . Ez li xwe geriyam min biryarin mezin dan ez ketim û rabûm ez hîn mezintir ramiyam . ez rastî taht û dîwaran hatim  lê min got : bila!  min ji xaka xwe hez kir  min ji kesê ku bi agir û jan û av û ax xaka min hatine hûnandin hezkir , min dilê xwe ê biçûk û jena wî da koçberekê ku ji vê xaka dabeşkirî hatiye surgun kirin lê dilê min xist navbera 4 dîwarên pola û ez dîl kirim , min xwe lehengê dîrok û efsaneyan didît . min xwe çiya û zinar didît .ji min  ez ew kesê ku naşkê me , lê wê koçberê min ji wijdan , ji raman , ji rewan dûr xist. min ji min dûr xist nefret çand di dilê min yê reben de û da min û çû bêyî ku li paş xwe binere çû û pêl ew beybûna ku min dabûyê kir û dûr dûr çû.
Dilyar