Nebû

 Kuliyan zimanê te xwar?

Biaxive!

êdî temenê te bûye çil sal!

...

Erê, mixabin

kuliyan zimanê vî zarokî xwar

Ez zarokê pênc salî

Kuliyan cegera min xwar, gotina min xwar, 

...

Nebû, vê carê jî nebû

temenekî din, em hev bibînin

Li ber perwaneyeke din

An li kampeke din

Belkî li çol an konekî din

..

Vê carê jî nebû

Zarok mezin nabe

Serî li beştan dikeve

Lê kuliyan dîsa zimanê min xwar,

Kuliyan dîsa hiş û mejiyê min xwarin

...

Dîsa nebû!

Zilamekî 3 salî

Fedyok, xeydok 

Wan kuliyan dîsa zimanê min xwar

..

Jiyana çardemîn

Lê dîsa nebû

Zarok mezin nebû

Û kuliyan ew ziman dîsa xwar