Dil û Yar

Rewrewikan xweristî dagirtiye
Şevreşiyê ezmanan pêçane
Stêran xwe veşartine
Bahozên dar hilkirine
Lehiyan gul birin
Agirî daristan şewtiandin
Kund dixwînin:
Dîrokên têkçûnên me
Gur dizûrin:
Li ser termên miriyên me
Kevok koçber dibin
Xild ji kunên xwe derdikevin
Goştên me dixwin
Mişk hestiyên me dikertînin
Qîr û qiyamet
Li xaka me rabûye
Û hîn ez di xew de me
Hîn em di xew de ne
Vê şeva tarûmar
Dilên me bihêz
Divê bijene
Ta ku viyana jînê pihêt bibe
Ta ku ez û tu roniyê bibînin
Ta ku ewirên şevreşiyê ji ser çavên xwe rakin
û Ez û tu
wek dil û yar
bextewar bijîn
Dilyar Amûdî