Bijmêre

Bijmêre van stêran Ewqasî pir in, gotinên evîna min Li tariya şevê binere tê bibînî jiyana min, bêyî te

Bikene

Bextewariya te bi 6 welatan e.
Bi cehnema welat kirî
Bê deriyayê , çawa tu yê bijî
biyanîstan war te ye
Ger ken niştîcihê riwê te be
Tifika welêt,
Bila porê dayika te yê sipî bişewitîne
Ma yê te çi jê ye..
Bi zimanên Ewrupayî baixive..
Ma ne kurdî dê bi dayika te re dimire
Na! na!
Dîroka te li ser Effelê hate nivîsîn
Çîroka te bi kevirên dîwarê berlînê te 
Li welatê te yê nû vejiya
Evîna te bi berfa Stocholmê
re weşiya
Xewnên te rengareng bûn
Bi gulan xemilîn
Bi hemû peyvan axivîn
Ji bilî peyvên li rêwitiyê jiteketî
...
Te li pişta xwe kir navên
xwe yê li birca Amed
Te kir baca sûrên şarên dûr
Te firot hezkirina xwe
Li ser erebeya birincê
Di kolanên xemilî de
Bextewarî bila her para
te be.
..
Bikene
Ma giriyê mayiyan 
gunehê te ye
Ma şewata daristanan karê te ye
Ma tola zarokên kuştî
tola te ye.
Bike! bila bextewar bî
Venegere! 
Wek te got
Ew der êdî beşek ji te ye
Ew der tu çêkiriyî
Ew der tu kiriyî, xwehez
hişyar be
di vê kortala dabeşbûyî de 
wer nebî
Jiyana te li wir xweş e..
bi sed qîr û cehnemekirî
Hemû kesên gêj
Ku xwe li wî welatî ji bîr kirine

Ez welatek bûm

Welatek bûm

Azad bûm

Çîrok û dîroka min, dilerizand erd

Tevzînok diketin daxwazên te

Dirijiyan stêr ji çavên te

Berî ku tu dagirî

Paytextî welatê min

Tu dest deynî ser dilê min 

...

Te kuştin hemû zarokên min

Hestên min

Te zuha kirin kaniyên min

Rondikên min

Te şewitandin kulîlekên min

Armancên min

...

Te çekên nerewa bi kar anîn

Amirên mêrkuj

Te bi stemkarî lêxist

Bi bêhna gulên 

Te xapînok bi kar anîn

Tu keniya

Te dehf vedan

Te porê xwe hejand

Te ez bi xwe kuştim

... 

Te welatê min tarûmar kir

Te ez ji xwe bêpar kirim

dilê min

Bijmêre van stêran

Ewqasî pir in, gotinên evîna min

Li tariya şevê binere

tê bibînî jiyana min, bêyî te

Veke

Deriyê xwe negire

Hîn lehengê çîroka me 

Dilê min ji te nestendiye

Hîn ez girtiyê çavên te me

girêdayî porê te me

birîndarê mijangên te me

Papendê dîtina te me

Xwe di piş deriyên pola de veneşêre

Agirê dilê di kefa te de

dê te bişewitîne

Rondikên çavan dê te bixeniqînin

Dilê min bide lehengê çîroka me

Lehengê ku ez

di raboriya wî de bi bêhna te serxweş bûm

Bi meya gulyazên lêvan dilgeş bûm

..

Rojbûna mirinê

Roja min tu dîtî

Rojbûna mirina dilê min bû

Gava min tu himêz kirî

Sînga min bû bexçeyê pûngê

Di şerê ramûsan de

Lêvên min bûn pakrewanê te

Bi axîna te re

Ez êşiyam

Ez giriyam

..

Rondikên te 

Ez fetisandim

Bifirîne

Ji destê xwe deyne

Dilê min

diperpite

di nav lepên te de

Can dide

Nikare bifire

Te ew peritand

bi awirên xwe

Te ew kuşt

bi bêhna xwe

Azadiya min

Gotinên min azad bike

Bila pepûleyên helbestên min

kurtepista şewatin dî bikin

Destê min berde

Bila pênûsa min evîneke nû biafirîne

....

Dilê bi porê te ve girêdayî,veke

Bila ji bo xewneke nû bijene

Kenê xwe bike diyarî

bike xelata azadiyê

û min ji zindana çavên xwe berde

..

çavên te

Çavê xwe negire

Tu roniya min dikujî

...

Çavên xwe negire

tu ezmanên min bi ewrên reş dadigirî

..

Çavên xwe negire

bêhna min diçike

îro ji min sil nebin, ji ber dîsa hestên min dikelin û divê ez wan bi ser hemû xweşikiyên qelp de dakim, ta ku qalikê wan di ser wan re were..
divê ez hinekî verişim bi ser hezkirinên xwe de..
Ta ku dilê min ji wan bixele..
dîn û îmana min ji dayina biryarên dayî diçe..
..
Mirov di raboriya xwe de, hew xwe dibîne, di pêşeroja xwe de hew xwe dibîne... lê di nuhayê de ji xwe pêve her tiştî dibîne....
berê me ji dê û bavê xwe re digot " ka ez alîkariya we bikin"..bersiva wan ev bû: " te jî karîbûyayî te nedigot ka"...

Çîroka serkevtî

ji min re çîroka evîneke ne têkçûyî bibêje Bila di wê çîrokê de ez û tu ne xwe bin evîna me ne ya me be çîrok ne ya me be Çîrokeke ku bi ser keve

Tu

Dîrok me... 

bi agirê ku te bi giyanê min xist re,

Şewitî

û ariya te li ser serê min belawela bû..

Çi bikim

Çi bikim!
Hê jî ez dîlê xwe me
Ez, yê di pabendiya awirên te de
perestê evîna te me
Xwe dikim goriyê gotinan
Ta biafirînin pesindana dilsoz
Bo ramûsanên gerdena pîroz
Dilyar

Çavên te

Di çavên te de

Dîl im

ji demeke kevnar de

Ji rondikên te vedixwim

Di bin porê te de radizêm

Li ser laşê te

çîroka xwe bi ramûsan dinivîsim

..

Tûrikê min

Tûrikên min vala bû

Min hemû helbestên xwe

Bi ser te dakirin

Min hemû awazên xwe

li ber pencereya te çêkirin

û têlê tembûra min qetiya..

ditirsim

Ditirsim ku li kolanekê pêrgî te bêm Û di çavên te de dîsa Winda bibim û careke dî rêya dilê te winda bikim û qet nebînim

Pirtûk

Pel bi pel

diqulêpim bîranên me

dixwînim hevokên devên te

sermest dibim bi dîmenên di çavên te de..

Li gotina JI TE HEZ DIKIM

digerim

siruşta min

Xuşîna awirên te ji ezmanan tê

Diçirisin rûyên te li sînga sayîbûna şevê

Diheje porê te bi pelên daran re

Dilerize bedenê te

bi hezkirina min

Qedexe

Pirtûkekê dinivîsim

Navê te tê de qedexe ye

Evîn tê de qedexe ye

Romana kuştinekê ye

kuştina pîroziyekê ye..

Romana tawanên qedexe ne..

diêşe

diêşe..

ez di bêtebûnê 

wendabûna te ez girtime

Û sikratên bêriyatekirinê dikim

darbest

Qiçîna nîvrojê
tu darbesta kuştiyê xwe li milê xwe dikî
çip-çipa xwêdanê ji eniya te tê
bi hêrs difetisînî
vî dilî
di rewrewkên çavan de
..
tu gupegupa wî disekinînî
Tu difetisînî xwe jî
tu radihêlî nebûna xwe
bi hêstirên min dişoyî
bi xewnên min dipêçî
û di darbestê de radixî
...
bi tena serê xwe
tu tawana kuştina min
di zeryaya çavên xwe de pêk tînî
..
Bi xezeba dilekî peritî
tê bibêjî qey:
ne lêvên min bûn
yên li ser laşê te
diçûn sicdeyê
ji rûyê te re
....
yên li ser laşê te
diçûn sicdeyê
ji rûyê te re
...
Bi xedr tu
min di dilê xwe de
diperçiqînî
wek ku
ne destên min bûn
yên ku gulistan
di dilê te de
çêdikirin
...
Tu xwe dikujî
di hestên xwe de
wek ku
ne ez bûm yên ku
helbest li ber muzîka
hestên te dinivîsîn
...
Tu xwe dikujî
di her tiştê xwe de
ta ku min bi êşê
hêdî hêdî bikujî

..
tu dikujî wek ku
sizaya kuştinê niye
..
û tu di qiçîna nîvrojê de
min di dilê xwe de
bi hêsiran dişoyî
û bi xewnan kefen dikî
û di darbestê de
li milê xwe dikî
...
û bi agirê dilê min
min û xwe dişewitînî
û di zeryaya çavan de
wenda dikî..

Dilyar amûdî

Bila bimire û bila bijî

Bijî azadî

bijî dilşahî
Bijî wekhevî
Bijî aştî
Bijîn hemû peyvên ...
Bijî bindestî
Bijî nezanî
Bijî xewnezanî
Bijî xwekujî
Bijîn hemû peyvên...
Bijîn çîrokên seyr
Bijîn zarokên xwenenas
Bijî welato! Bijî bindest!
Bijî zaroko! bijî ne wek xwe
Bijî bi zimanekî biyanî
Bijî bi xewneke biyanî
Bijî li dibistaneke bi peykerên bêgiyan
Bijî li dibistaneke bi mamosteyên xwînmij
Bijî xorto! bijî bi pîvanên biyanî
Bijî di zindanên mejiyî de
Bijî di navbera jîn û xwekuştinê de
Bijî wek ku tu xwe dinasî
Bijî wek ku te xwe dîtiye
Bijî û ji bîr bike ku tu  ne tu yî
Bijî kalo! Bijî wek ku tu nizanî ku tu her dem mirî bûyî
Bijî ji ber mirin nikare te du caran bikuje
Bijî, jiber mirin nikare kesên xwekujer bikuje
Bijîn hemû peyvên bêwate
Bijî helbest
Pirtûk, Roman,
Bijîn Serok, Bijîn neyar
Bijîn Îdeolojî û têkoşîn
Bijî Marx, bijî Lenîn
û Bijî Hitler
Bijî daxwaza jiyaneke mirî
Û bila em .. em...
Bila em bimirin
Bimirin..
Bibelqitin
Bifetisin
Bila gundên me bişewitin
Bila zarokên me bi bêhna sêvan bifetisin
bila dayikên me bi tepan bi sîngên xwe kevin
 Bila em şerpeze bibin
bila em ji hev fêm nekin
bila pêsîrên yarên me jê kirin
bila zarokên me ne ji me bin
û bijî aştî
bijî wekhevî
bijî hemû peyvên bixeml
bimirin em û çi kes li dijî xweşikbûna peyvan
...

Dîl im...

Dîl im...
Xwe ji ber gotinên min nede alî te birîn nakin Dilê min vegerîne ji xwe re neke mertal agirê dilê min Helbestên sor diyarî te dikin..
...
Gotinên min dihûnin guliyên te dixemilînin riwê te li te dike xeftanê kurdî gotinên min te dilorînin bi çîrokên zaroktiyê gotinên min..
...
Ne stirî ne gulên xwînbûyî ne têxe ber porê xwe xwe ji ber wan veneshêre gotinên min ramûsên lêvan in dîlana kurmancî ne gotinên min..
...
Sherab e, stran e, helbest e Min û te serxwesh dixe min û te bêzar dike bêdeng dike Çavan bi rondik dike bes xwe ji ber wan bide alî
...
Hêsan e, jiyîn lê dijwar e, jiyîn
....
Tûrikê min tije çîrokin dilê min tije volkanin Çavên min tije hêvî hinasên min tije gulin rewanê min vala ye bêyî te ye..
...
Nizanim ez çîroka xwe ji te re bibêjim An te jî bi xwe re neshewitînim nizanim hestên xwe li ber lingên te raxînim an wan ji xwe dawishînin
...
Nizanim dilê xwe bi te bikewînim an rewanê xwe ji lashê xwe biavêjim nizanim bibêjim "ji te hez dikim" an romana evîneke kushtî binivîsim
...
Nizanim ez her tishtî bishewitînim ta ez û tu tenê bimînin an ez xwe bishewitînim ta her tisht ji te re bimîne nizanim ez çawa xwe bidim te
...
Kerem bike Dilê min ji xwe re kedî bike girê bide, bi guliyên xwe Bike awaza strana xwe pê ronî bike, shevên xwe kerem bike..
...

Meya xwekuştinê

Evîna te mey e her ku diçe giran dibe her ku vedixwim bêtir dibim sheydayê te divê ez bibim tobedarê te tobedarê tu xwedayê!

Evîna te mey e her ku diçe giran dibe her ku vedixwim bêtir dibim sheydayê te divê ez bibim tobedarê te tobedarê! 
tu xwedayê!
....
were, yarê ez ê xwe bikujim bi ramûsanên lêvên merhemkirî bi maçên di xewa li tenishta te.. were yarë min bi destê xwe bikuje
...
Ez dixwazim Bi te bimirim
...
Çi seyr e xwekushtin mir di bêrîkirina te de ez vejiyam bi nebûna te lê her kêm e kem e tu
...
Ez ê xwe di çavên te de werkim û xwe di hêstirên te bifetisînim bi te re xwe di riwê te de winda bikim û li xwe bigerim di dilê te de
...

Kuştina bîranînan

Di shahiyê de ez... ez li xemgîniya nebûna te pêrgî bûm Silavên evîneke mirî li min xatir bi çavin bêcan ji min xwest û çûn rondik ji çavan
...........
Ez niha li wan kolanan ew kolanên ku destê min bi yê te digirt lêvên min xunava lêvên te vedixwar çavên min tu himêz dikirî digerim...
....
Çi tishtekî seyr e! Tê bibêjî qey her dîwarek her kevirek Her darek her tishê van kolanan dil ketin te hemû bûne hunermend û wêneyê te
Li ser sînga xwe kolan
... bûne dengbêj û lawikên bi navê te dinehwirînin
.....
Mizgift û dêran serî rakirin li ber xwedê Dergeh di rûyên bawermendan de girtin û tu kirî peykera evîn û jînê
.......
Li vê qada fireh hemû kesî hemû tishtî pişta xwr spartiye hêviyê hêviya ku destê te berdim ta ku te birevînin..
.......
Tishtê seyr ku tu di kartolên birashtî de jî dikenî..

........
Biçin rondikên çavan
Êdî ev rê tê girtin

Şa bibe

Bi mirina min şa bibe..
. ji ber mirina min encex te vejîne.
. mirina min encex te bike
ferîşteya behuşta nebûna min
...
Her gotineke helbesta Ehmed Huseyinî bi xwe helbestek e.....

Dizanî

Dizanî
min çima tu nasî
min çawa
Tixûb hilweshandin
min wateya dûriyê guhert?
Ne çîrok bû
Ne serxweşiya şeraba sor bû
Tiştê tu û ez pêrgî hev anîn
Ne xwendina te bû
Ne ciwaniya te bû
Nabêjim çarenûs bû
Dizanî?
Ev ne helbest e
ne wêje ye
lê xewneke ku rastiyeke xwezayî bû
hat rûxandin 
bi şewat û talankirinê
Min tu bi guherîna çewtiyan
nasî
û bi xwe tu veguhistî

Dilyar