Ez welatek bûm

Welatek bûm

Azad bûm

Çîrok û dîroka min, dilerizand erd

Tevzînok diketin daxwazên te

Dirijiyan stêr ji çavên te

Berî ku tu dagirî

Paytextî welatê min

Tu dest deynî ser dilê min 

...

Te kuştin hemû zarokên min

Hestên min

Te zuha kirin kaniyên min

Rondikên min

Te şewitandin kulîlekên min

Armancên min

...

Te çekên nerewa bi kar anîn

Amirên mêrkuj

Te bi stemkarî lêxist

Bi bêhna gulên 

Te xapînok bi kar anîn

Tu keniya

Te dehf vedan

Te porê xwe hejand

Te ez bi xwe kuştim

... 

Te welatê min tarûmar kir

Te ez ji xwe bêpar kirim