Çavgirtînkê

Yek do sê

Vekok!

Ka qelaç?!

Ka kolanên tozgirtî?!

Ma heta bi dîwaran xwe veşart?

Bajaroko! Tu bi kû de çûyî?

Te xwe di piş kîjan kevirî de veşatiye

Qey , xaniyên axîn, xwe di piş avahiyên bajarên xerîb de veşartin?

Yan we zarokno! We xwe di bin riwê kîjan biyaniyê de winda kiriye

Zaroktiiya pak!

Ez kerr û gêj bûm

Lê min kes nedît

Her tiştî xwe veşartiye

Di bin raboriyê de
....

Awêneyê!

Ma te ez di  kû de veşartim

Ka hêviyên biçûk?

Çima di te de nateyisin?

Ka dil û viyan

Ev rûyê mehdtirş

Ev qermiçokên xemgîn çi ne?

Derdorê!
 ez ê dîsa çavên xwe bigirim

Yek do sê

Û dîsa yek do sê

Vekok!

Tenêtiyê! Min tu girtî

Dilyar Amûdî