Dilo

Baz de! Baz de! Dilo
Bila mezinahî te negire
                   di qorzîkên giringiyên çêkirî de, te zeft neke.
Bireve zaroko, bi hêz bibeze
Nehêle alozî te li serê kolanên rawestîne
Ji mezinan fedî neke!
Dilo! biçûko! Zaroko!
Guh li dengê evînên derewîn neke.
Zaroktiya xwe ji xwe nexe
Biparêze hestê xwe
Azadiya xwe zeft bigire,
Û bibeze
Bila ramanên qaşo mezin
                 hestên te nekujin
Bibeze û bigirî ji dil,
                       ji nava dilî.
Bila bibêjin; dîn e,
Dînî azadî ye.
Bibeze dilo! biçûko!
             Xwedê bi te re be
           
Dilyar Amûdî